Sprechblasen.blog

Sprüche des Tages

2011-08-20T16:24:00.001+02:00

Chefdevise:
Wir müssen sparen, koste es was es wolle.

Erlichkeit währt am längsten.

Wer verliert, hat verloren!

test

2011-08-15T20:51:00.001+02:00

test

Home

2011-07-29T18:20:00.001+02:00

Jetz simmer dihei am uspacke und usrume.

Heimweg

2011-07-29T11:09:00.001+02:00

S'Zelt isch zemgleit und alles im Auto verstaut. Jetz simmer ufem Heiweg.

Hagelschaden nach Fallschirmsprung

2011-07-28T18:38:00.000+02:00

Hüt sind mer go Fallschirmflüge!
www.paracentro.ch

Es het meega spass gmacht, obwohl mer in Hagel ine gfloge sind. Aber do dezue spöter meh.

Mer hend hüt uf di 13.00 Uhr bim Aeroporto Locarno in Gordola abgmacht zum Fallschirmflüge. Wies so normal isch mues mer zerst en Sporttest mache. 500 m müend d'Manne innert 2 min und d'Fraue innert 2 min 30 sec chöne renne. Es isch scho mega speziell gsi was für Lüt ussert üs en Tandemsprung hend wöllä woge... De eint isch zmizt ide Midlifecrisis, gaui Hoor und sin Rucksack woner nur mitemene schlechte Gwüsse am Bode lo het isch mindestens so alt wie er selber gsi.
Di ander het Daniel gheise, jo wie en Manne name gschribe. Sie isch mitem Partber döt gsi wo wegemene "Ruggä Problem" allema nöd gsprunge isch. Mer hend scho vo afang a gwitzlet das dene eri Chind nur Albinos chönd si. De MLC-Typ het andauern irgend welchi bescheuerti Frogä gstellt, wie zb. öb das Gurtzüg gnueg starch seg oder öb das nöd de erst Sprung vo sim Tandempartner seg... d'Antwort: " Hüt scho.." isch blitzschnell cho. - Daniel isch vo afang a sehr unruig gsi und all 5 min mol verschwunde. Eren Begleiter isch wie en Fan all paar Sekunde mit de Amateur-DSLR am Knippse gsi. (wa dene eres Verhalte chönt begründe, si sind Zürcher ;-)
Bi dem Sporttest het Daniel Zmol afange Laufe... und ere isch nocher scho nüme so guet gange, si het vo erem Blondi es Cola brucht.
Wo d'Instruktione fertig gsi sind isch zert eini dra cho wo no Fotis und Film het wölle. I dere Zit hend mer de Militär Fallschirmspringer zueglueged und gwartet bis de Flüger alli use schmeisst. De Daniel und em MLC-Typ hem'mer versucht chli Angst iz'jage wo de erst Tandem Instruktor zrugg cho isch und sin Fallschirm mega schnell und hastig ipackt het. Mer hend so vor üs ane gseit das das sicher nöd veehebt, das er sich bi üs denn ruig meh Zit dörf neh...
Am MLC isch natürlich churz druf abe nomol ä sehr inteligenti Frog in Sinn cho. Sin Instruktor hed denn nur so gmeint das es nöd Bungee Jumping seg wo mer di ganz Verantwortig mues abgeh, Er flügi schliesslich au no mit!
Wer vo dene beidne het de jufli Carlos übercho? genau Daniel...

In zwüschä Zit sind überem Lago Maggiore dunkli bis sehr dunkli Wolkä ufzoge. Mer hend scho serst mol mitem Gedankä gspielt das mer gar nöd chönd springe...

Mer hends mit Spannig verfolgd wies dur d'Luft abe cho sind... Dä MLC-Typ isch guet abecho und glandet. Wo Daniel im Aflug gsi isch seit Bianca nur so: "Die hanged au chli wiä ä Leiche im Gstältli.." wos nöcher cho sind isch üs schnell bewust worde das dere würklich nöd guet got....
Eren Blondi hets vor luter Knips Knips no gar nöd gschnallt. Bi de Landig sin eri bei eifach schlaff am Bode no gschleift worde.... erst wo de Springer mit dä Kamera zu em anegsprunge isch zum hälfä hät de Blondi langsam gschnallt das sinere Daniel nöd so guet got.... - .....si het denn nocher gseit ere segs nur grad bi de Landig nöd so guet gange.. :-P

Denn sind mer endlich i'kleidet worde. En Overall, en Helm mit Brille und s'Gurtzüg.
Di erfahrenste ufem Platz hend denn würklich no gwärweisslet öb mer no söled Starte oder nöd. Sisch denn s OK cho und mer sind in Flüger igstige. en ca. 20 minütige Flug het us über de Lago Maggiore richtig Staumuur brocht und noch 4'000 Meter Höchi simmer wider überem Flughafe gsi. Wäredem Flug hets mol es bitz gregnet. Wo mer zum use springe cho sind hets au wider gregnet.
I dere Höchi isc Rege no nöd Tropfäförmig sondern wie Hagel. En Mensch keit au viel schneller wie die Hagelbölle. Das isch d'Erklärig wiso das Bianca so ä Kraterlandschafft im Gsicht, uf de Arme und adä bei het.
Zerst simmer eifach dur die Hagelböllä gfloge, denn isch zmol frei gsi und mer hend de Flugplatz gseh nöchercho. Wo de Fallschirm uf gange isch hets en Ruck geh. Aschlüssend simer de nan nöchergfloge (mer hend Dleine zum stüre selber törfe hebe.)
und denn simmer in sehr schnelle Dreige und Kreis uf de Flugplatz zuegfloge. Es het unmittelbar vor üs blitzt. De Instruktor het gseit das heg er selber no nie erlebt. Das isch für mich eigentlich spetziellste gsi. Im Sturzflug am bode nöcher cho und no en Blitz vo de Site zgseh. Denn sind mer alli heil glandet freud ka und hend no s'Diplom übercho. Und d'Bianca isch jetz de Carl-los! ;-)

Jeeeeeeeeeeeeeeeeeeeeee

2011-07-28T16:04:00.000+02:00

2011-07-28T13:57:00.000+02:00

2011-07-28T13:48:00.000+02:00

2011-07-28T12:11:00.001+02:00

10. Tag (Regen)

2011-07-28T09:19:00.000+02:00

Am Mittwoch hets fast de ganz Tag gregnet. Bis nochem Mittag hemmer üs im Zelt verwielt mit Lese und Zmörgele. Am Nomitag simmer mitem Auto uf Ascona go Lädälä.

Zum Foto: Welles sind di Dütschä?

9. Tag (Dienstag)

2011-07-28T09:14:00.000+02:00

Es isch wider mol zit zum en nochtrag zmache.
Am Zistig hemmer müese go poste, natürlich im EKZ S. Antonino. S'lusrige isch Zeltusstellig im Freie gsi. Lueged mol d'Föteli a.

Mittag in Locarno

2011-07-25T14:46:00.000+02:00

S'Wetter isch immer no wunderbar!
Mer sind mitem Velo uf Locarno gfahre. Döt sind d'Vorbereitige fürs Film Fest bereits in vollem Gang. D'Liewand und de Projektionskonteiner stönd bereits. Das isch so öses Zmitagsusfährtli gsi, nochemene Spaziergang durs Städtli, emene Sandwich undemene Gelati hemmer am See nochli i üsne Bücher gläsä. Das setzed mer jetz grad am Camping Strand in Tenero fort.

Foto

2011-07-24T17:44:00.001+02:00

Au mitemene iPhone chamer Fotiexperiment mache... eigentlich schaad, mit dä richtig Cam hemmer no kei einzigs Foti gmacht. Und nur dank em iPhone chömer so schnell Blogge inkl. Foto.

Waschtag

2011-07-24T14:46:00.001+02:00

Mer hend hüt ussert de Blog vo gester nozhole au no en Weschtag gmacht. Schöne Wetter do im Tessin spielt perfekt mit. Es isch schön warm, d'Sunne schient und es got es agnehms lüfftli. Super zum Wösch tröchne!
Natürlich langed de Outdoor Tumbler wo mer extra für de Phips bastlet hen, nöd ganz zum d'Wösch vo zwei Persone vonere Wuche chöne ztröchne.
Drumm hemmer "auf die Schnelle" en Tröchnigs Parcour uf üsem Platz bauä. Jetz isch au scho di ganz Wösch wider trochä!

Outdoor Tipp 2

2011-07-24T14:38:00.001+02:00

Für de Phips hemmer nomol en Outdoor Tipp!
Wenn mer kleider Wäscht chamers super guet im Tatonka Zelt ufhenkä! D'Wäscheleine sind bereits integriert. Vorallem wenn d'Sunne no es bizli drufschient, alli Löcher offe sind und de wind richtig schö dri lüfftled, denn isch das en richtige Outdoor Tumbler!
Mer gseht die Details imene Zelt mues mer nur richtig nutze. (nb. sogar s'Moskitonetz isch Brandet! gseht genial us.)

Noch dä Wanderig

2011-07-24T13:57:00.001+02:00

Noch derä strengä Wanderig womer Bikes mit trait hend hemmer so en Hunger ka, dass es nur no für es Foti vo dä leere Teller glanget het. Es feins Gelati hemmer üs au no verdient!

Bike-Wanderung

2011-07-24T12:59:00.000+02:00

Gest hemmer uf ä Biketour wöllä go. Es isch den meh ä Wanderig gsi womer s'Bike hend mösä mitträgä..

Am Afang isches no mega schön gsi, au zum fahre...

Steil berguf richtig Staumuur....

Mer hends sogar gseh Jumpä, aber vo wiit weg....

Das isch nöd de einzig Wasserfall gsi wo mer gseh hend. Mer sind a no viel grössärä verbi cho!

schöni Wägli dur dä Wald...

...churz bevor...

mer Bikes hend möse Trägä.

Diä Tessiner chönd sich mol vo dä Appenzeller Wander-Weg-Beschriffter öpis abluege...

Was zerst en Gälä Wanderweg gsi isch isch zmol en Wiss-Rot-Wissä wordä..

Au da Brüggli isch nöd sletste gsi, aber irgend wenn isch üs d'lust ufs fötälä vergange.... Es isch immer Tüffer und Tüfer in Wald gange und irgendwenn het sich scherä nümmä glohnt.

Uf de Charte sind au immer wider Hüsli izeichnet gsi, aber sind nur alti verlotterti Rusticos gsi..

Chan das öpert für üs übersetzä?

Aso dä Blau Wäg isch üsen...

Zerst hend mer de Violet wöllä machä uf dä Monti di Moti.

Zerst hemmer denkt mer gönden links umä sind denn aber vom Weg abcho... ;-)

Aber wenn mer en au richtig gfahrä wäred wär d'Abfahrt kei wüklichi worde.

Die hend mer denn nämlich verwütst aber s'isch denn eher ä schlächti Downhill-Strecki als ä Bikeabfahrt.

Durs Bonzäviertel doruf isch mega schön gsi.

Ade Staumuur verbi.

Diä Rundi het üs mega viel Ziit kostet.

Schlussentlich simmer 5h underwägs gsi, di gnauä datä chönd er bi mer uf Movescount go aluege!

Viel Spass

Guete Morge

2011-07-23T07:45:00.001+02:00

Jetz schiint grad dSunne dur Zeltlüftig ine. Sogar dSunnebrille mues mer jetz zum schlofe alegge!

Mmmm....

2011-07-23T07:43:00.001+02:00

Nur de Chäs isch nonig uf de Hörnli... si sind so schnell weg gsi mer hend gar kei Foti vo nene chöne mache wos im Teller gsi sind.

Die hend durst ka...

2011-07-23T07:40:00.000+02:00

Bi de einte Zeltplätz gsehts us wie amene Openair Festival.
Das isch no ufem Tamaro gsi.

Buongiorno Ticino

2011-07-22T10:22:00.001+02:00

Mer hend schöns Wetter gfunde, im Tessin. Nur en Zeltplatz ide hochsaison zfinde isch schwiriger... di erst nacht hemmer ufem Tamaro verbrocht. Chönd aber hüt mittag uf de Lido Mappo zügle. Üsen lieblings Zeltplatz! Död bliebed mer au ä Wuchä!

Gotthard

2011-07-21T19:46:00.000+02:00

Vorem Gotthard isch sWetter immer no zimlich schlecht gsi.
inkl. Stau.
Nochem Gotthard heds schnell bessered und isch laufend wärmer worde. Ner sind zum schönere Wetter gflüchted!
Do unne hends au en eifachä wechselkurs we mer ufem ledstä bildli gsehd. Do fallds de EU-Bürger eifacher mitem umrechne! ;-)

Outdoor Tipp

2011-07-21T19:34:00.000+02:00

Das isch no de Outdoor Tipp vo de Wuche!
Wenns richtig fest Regned, alles nass isch und er sZelt müend ipacke, denn merked er wiso das de Verkäufer eu empfohle het eis zchaufe wo sInnezelt ufghenkt isch. Do chönder st'roche innezelt abhenkä, schön zämälegge und inen wasserdichte Sack versorge.
Voila es wert trochä blibe. s tropfnasse Ussezelt und Zeltbodeunterlag chömed inen witere Sack.
dHering am beste no schnell abwäschä das nöd de ganz Dreck mit chunt.
Wenn er das zelt am gliche Tag nomol ufstelled werds ussedra immer no nass si, aber inne schön trochä!!!
Viel spass bim teste!

Touristen

2011-07-21T19:21:00.001+02:00

Am morge früe bini mitem Bike uf Interlaken uf Post gfahre... ;-)
sWetter isch trüeb und chüel gsi. Ufem hei Weg bim zmorge poste hani no zwei Asiate troffe wo sganz gstell mit Toblerone usgrumt hend. Die zwei hend würklich zwei volli ichaufschörbli ad kasse treit!!

Grosse Znacht

2011-07-20T21:47:00.000+02:00

Mer hend üsen gsponsorte Znacht hüt iglöst, im Tell. Es isch meeeega fein gsi! Dankä viel mol!

Treffen mit Billy ;-)

2011-07-20T20:13:00.000+02:00

Am nomitag hemmer üs mitem Billy & Co troffe. Mer hend bide Lowa dörfä uf bsuch go! Es isch mega interessant und idrücklich das grosse Lager vo Schuhe zgseh. Und dFrüntlich keit vo de Mitarbeiter.

Druf abe simmer no ufen spaziergang dur dWälder zum Wachfüür. Das het allne spass gmacht!
Es isch wider agnehmer vo de Temperature und sWetter het es biz uf tue.

Eselkutsche

2011-07-20T19:58:00.000+02:00

Ufem Zeltplatz hemmer sogar ä Eselkutschä!

Einkaufsmeile Interlake

2011-07-20T16:22:00.001+02:00

3. Tag

2011-07-20T14:50:00.001+02:00

Nochere regnerischä Nacht, wüssed mer das üses Zelt würklich dicht isch!
Schöne am chüele Wetter, mer chan länger im Zelt usschlofe.
Nochemene grosse Zmorge hemmer in Rekordzit zämäpackt und sind richtig Interlaken gfahre.
Über de Brünig pass uf de Zeltplatz Seeblick. Und sZelt stoht scho wider!

2. Tag

2011-07-19T22:06:00.001+02:00

Obwohl de Wetterbricht scho lang Rege agseit het, isches erst ca. am 3 los gange.
Am schönä sunnige Vormittag simmer mit de Velos nochli dur dStadt Luzern gfahre. Zum Zmitag hemmer feini Tortelloni koched. Hmmmm, fein...
Ide Ferie dörf mer au mol es Mittagsschlöfli mache. Zum znacht hets e feini Safransuppe mit Olivebrot geh.
Am obig simer no ufen bsuch zu dä Familie Schirmer-Schälin in Flüeli-Ranft. De Dessert isch mea fein gsi! Dankä.
Jetz tästet mer üses neue Tatonka Zelt wies im Rege verhebt. Resultat chunt morn use. guet Nacht.

Vierwaldstättersee

2011-07-18T20:54:00.000+02:00

De erst schön Sunnäundergang i üsne Ferie.

1. Tag

2011-07-18T20:24:00.000+02:00

obwohl alli Wetterbricht schlecht Wetter prognostiziert hend hemmer di ganz Reis ohni Rege erlebt. Mer hend sehr sehr lang usgschlofe und denoch no zerst packt. Es het au nochli Zit in anspruch gnoh alli Sache is und ufs Auto zpacke.

Los gots!

2011-07-18T16:02:00.001+02:00

steimändli

2009-07-27T22:41:00.000+02:00

und wie ä chlos chind im sandchaste bini am stei mändli baue gsi!

2009-07-27T22:39:00.000+02:00

AROSA

2009-07-27T22:19:00.000+02:00

Jo genau mer sind uf Arosa mitem zug, hend üs e Trottinet gschnapped
und sind noch es paar fahrte nochli miteme Pedalo nochli use uf de seh!

es isch mega cool!

pedalo

2009-07-27T22:15:00.000+02:00

und mitem pedalo go plantsche!

trotti

2009-07-27T22:14:00.000+02:00

mit de trotinet sind mer go fahre!

hmmm...

2009-07-27T22:13:00.000+02:00

wucheend usflug mit action

2009-07-27T22:12:00.000+02:00

wo he gots denn?

bootsfahrt

2009-07-08T16:52:00.000+02:00

in stockholm

2009-07-08T13:35:00.000+02:00

churzi zit bevor ich vo vögel beschosse wore bin.
ich und mini übersetzerin.

Genau es ist ein....

2009-07-08T11:30:00.001+02:00

...Pendelzug.
die sproch isch nöd wörklich schwer, zum di aller wichtigste sache
zverstoh oder zägä.
und zum guete glück hani no mini private übersetzerin debi!

Pendeltåg

2009-07-08T11:29:00.000+02:00

was isch echt en Pendeltåg?

sweden

2009-07-08T11:28:00.000+02:00

landung in schweden!

lustig isch das es nöd würklich dunkler isch als bim abflug...
au über di ganz nacht hinweg werts nie richtig stocktunkel.
es isch meh e dämmerigs liecht.

abflug

2009-07-05T19:19:00.000+02:00

allso in 10 min flügi ab!

min flugplan

2009-07-05T18:56:00.000+02:00

das isch min flugplan!

2009-07-05T18:44:00.000+02:00

airport

2009-07-05T17:44:00.000+02:00

so sgepäck isch ufgeh, und i ha nochli zit zum de flüger zuezluege.

im Bus

2009-07-05T15:48:00.000+02:00

shand gepäck isch au mitcho...
hoffentlich hani alles!

Gepäck

2009-07-05T14:13:00.000+02:00

isch doch no gange...
alles het platz ka!!!

Schweden ich komme

2009-07-05T12:08:00.000+02:00

also wers nonig weiss i flüg hüt uf schwede...
mit packe happerets nochli.. i ha di wichtigste sache mol bereit
gleit... aber ipackt hani nonig.
;-)
aber kei bange i ha jo nochli zit..

jetz gits zerst mol zmitag... nur was???

also bis spöter.

Blog

2009-04-22T07:30:00.002+02:00

also nöd verschreggä....

ich han min blög glöst und werd in kürze mit neue themänä afange!

bitte es biz geduld!

Sprechblasen.blog

Sprüche des Tages

test

Home

Heimweg

Hagelschaden nach Fallschirmsprung

Jeeeeeeeeeeeeeeeeeeeeee

10. Tag (Regen)

9. Tag (Dienstag)

Mittag in Locarno

Foto

Waschtag

Outdoor Tipp 2

Noch dä Wanderig

Bike-Wanderung

Guete Morge

Mmmm....

Die hend durst ka...

Buongiorno Ticino

Gotthard

Outdoor Tipp

Touristen

Grosse Znacht

Treffen mit Billy ;-)

Eselkutsche

Einkaufsmeile Interlake

3. Tag

2. Tag

Vierwaldstättersee

1. Tag

Los gots!

steimändli

Werbung

AROSA

pedalo

trotti

hmmm...

wucheend usflug mit action

bootsfahrt

in stockholm

Genau es ist ein....

Pendeltåg

sweden

abflug

min flugplan

airport

im Bus

Gepäck

Schweden ich komme

Blog